Ceyhun Bayramov qambiyalı həmkarını xarici işlər naziri vəzifəsinə təyinatı münasibətilə təbrik edib

Azərbaycanın xarici işlər naziri Ceyhun Bayramov Qambiyanın xarici işlər, beynəlxalq əməkdaşlıq və xaricdəki qambiyalılar üzrə naziri Serinq Modou Njie ilə telefon danışığı aparıb. Nazir Bayramov qambiyalı həmkarını xarici işlər naziri vəzifəsinə təyin edilməsi münasibətilə təbrik etdi, ona yeni fəaliyyətində uğurlar arzuladı.

Telefon danışığı zamanı Azərbaycan və Qambiya arasında ikitərəfli və çoxtərəfli əməkdaşlıq məsələləri ətrafında fikir mübadiləsi aparılıb. Tərəflər beynəlxalq təşkilatlar çərçivəsində, xüsusilə BMT, İslam Əməkdaşlıq Təşkilatı (İƏT) və Qoşulmama Hərəkatında əməkdaşlıq mövzularına toxundular.

Həmçinin İslam Əməkdaşlıq Təşkilatı (İƏT) çərçivəsində əməkdaşlıq məsələləri diqqət mərkəzində olub. Onlar Qambiyanın hazırda İƏT-də sədrliyini və Azərbaycanın qarşıdan gələn sədrliyi üzrə prioritetləri müzakirə etdilər. Danışıq zamanı hər iki ölkə üçün qarşılıqlı maraq doğuran regional məsələlərə də nəzər yetirildi.