Cənubi Koreya nüvə sualtı qayığını ABŞ-də inşa edəcək

Cənubi Koreya hökuməti nüvə sualtı qayığının tikintisi üçün Filadelfiyada yerləşən ABŞ gəmiqayırma zavodunun xidmətlərindən istifadə etməyi planlaşdırır.

Bu barədə məlumatı ABŞ Prezidenti Donald Tramp özünün “Truth Social” hesabında yayıb. Tramp açıqlamasında bildirib ki, Cənubi Koreya bu layihəni “köhnə, yaxşı Amerika Birləşmiş Ştatlarında” həyata keçirəcək. O qeyd edib ki, nüvə sualtı qayığının inşası bilavasitə Filadelfiya gəmiqayırma zavodlarında baş tutacaq.

ABŞ lideri bu addımın Amerikada sənayenin inkişafına təsirindən də danışıb. Tramp vurğulayıb ki, ölkədə gəmiqayırma fəaliyyəti yaxın vaxtlarda yenidən canlanacaq. Bu beynəlxalq razılaşma həm Koreyanın müdafiə sənayesi üçün strateji addımdır, həm də ABŞ gəmiqayırma zavodlarının potensialını artıracaq.