Çelenc Kuboku: "Xilasedici" növbəti mərhələyə yüksəlib

Azərbaycanın kişi voleybolçularından ibarət "Xilasedici" komandası Çelenc Kubokunda növbəti mərhələyə yüksəlib. Klub 1/32 final mərhələsinin cavab görüşünə çıxdı.

Bakı təmsilçisi FHN-in idman zalında Rumıniyanın "Styaua" klubu ilə qarşılaşdı. "Xilasedici" bu oyunda rəqibi üzərində 3:1 hesablı qələbə qazandı. Baxmayaraq ki, komandamız matçda qalib gəldi, ilk görüşdə "Styaua"nın 3:0 hesabı ilə üstünlüyü vardı. Buna görə də turnirdə növbəti mərhələyə çıxan komandanı təyin etmək üçün "qızıl set"ə ehtiyac duyuldu.

Həlledici setdə gərgin mübarizə yaşandı. "Xilasedici" bu hissəni 15:13 hesabı ilə xeyrinə başa vurdu. Bu nəticə ilə Azərbaycan klubu Çelenc Kubokunda adını 1/16 final mərhələsinə yazdırdı.