Bu ilin ən güclü maqnit qasırğası müşahidə olunur

Yer kürəsində bu ilin ən güclü maqnit qasırğası müşahidə edilir. Noyabrın 12-nə keçən gecə başlayan bu hadisə təxminən 36 saatdır ki, davam edir.

Qasırğanın gücü G4,7 səviyyəsinə çatıb. Məhz bu göstərici onu bu ilin ən yüksək göstəricisi edir. Hadisənin miqyası elm adamları tərəfindən təsdiqlənib və monitorinq olunur.

Xarici KİV-ə istinadən verilən məlumata görə, maqnit qasırğası dünən təxminən səhər saat 4 radələrində başlayıb. Bu məlumatı Rusiya Elmlər Akademiyasının Günəş astronomiyası və heliogeofiziki cihazqayırma laboratoriyası yayıb.

Hazırda təxminən 36 saatdır davam edən maqnit qasırğası ilə bağlı proqnozlar var. Qasırğanın günün sonuna kimi zəifləyəcəyi və səngiyəcəyi gözlənilir.