Biləsuvarda 45 yaşlı kişi qonşusu tərəfindən bıçaqlanıb

Biləsuvar rayonunda bıçaqlanma hadisəsi baş verib. Rayonun mərkəzində, Avtovağzal ərazisində qeydə alınan bu insident iki həmkəndlinin iştirakı ilə olub. Ovçubərə kənd sakini olan bir kişi qonşusu tərəfindən ağır xəsarətlər alıb.

Hadisənin təfərrüatları açıqlanıb. Qurban 1980-ci il təvəllüdlü Rüfət Xudaşükür oğlu Mikayılovdur. Onu həmkəndlisi, 32 yaşlı İmanov Novruz Müstəcəb oğlu bıçaqlayıb. İlkin məlumatlara görə, hadisəyə səbəb həmkəndlilər arasında əvvəllərdən davam edən şəxsi ədavət olub.

Qeyd edilir ki, Novruz İmanov qonşusu Rüfət Mikayılovun Bakı şəhərindən rayona gəldiyini eşidib. Bundan sonra onu taparaq bıçaqlayıb. Ağır xəsarətlər alan R. Mikayılov dərhal rayon xəstəxanasına çatdırılaraq hospitalizasiya edilib.