"Bavariya" Keynin əvəzləyicisini Bundesliqada tapdı

“Bavariya” Münhen klubu yay transfer pəncərəsində heyətini gücləndirmək üçün yeni hücumçu axtarışındadır. Klub diqqətini Bundesliqada çıxış edən "Hoffenhaym"ın futbolçusu Fisnik Aslaninin transferinə yönəldib. Jurnalist Florian Plettenberqin məlumatına görə, “Bavariya” bu gənc hücumçunu qısa siyahısına daxil edib və onu Harri Keynin potensial əvəzləyicisi kimi görür.

Münhen klubunun idman direktorları Maks Eberl və Kristof Froind Aslaninin inkişafından və fərqli oyun üslubundan çox təsirləniblər. Onlar bu transfer pəncərəsindən əvvəl onun sərbəst qalma məbləği barədə məlumatlar toplayıblar. 23 yaşlı hücumçunun bu mövsümün sonunda “Hoffenhaym”dan ayrılması ehtimal edilir. Ancaq "Bavariya"nın bu yarışda ciddi rəqibləri var.

Avropanın aparıcı klubları da vəziyyəti diqqətlə izləyirlər, o cümlədən "Barselona" və bir neçə başqa böyük klub Aslaninin transferi ilə maraqlanır. Buna baxmayaraq, Fisnik Aslani cari mövsümdə göstərdiyi performans ilə "Bavariya" rəhbərliyini əmin edib. O, Bundesliqada cəmi 8 oyunda iştirak edib, lakin bu müddətdə 5 qol vurub və 1 məhsuldar ötürmə verib. Münhen klubu bu istedadlı gənc forvardı Keynin uzunmüddətli davamçısı kimi görmək istəyir.