Azərbaycan millisinin Avropa çempionatındakı oyunlarının təqvimi müəyyənləşib

Azərbaycanın qadınlardan ibarət voleybol millisinin 2026-cı ildə keçiriləcək Avropa çempionatındakı oyunlarının təqvimi rəsmiləşdirildi. Ölkəmiz qitə birinciliyinə ev sahibliyi edən dörd dövlətdən biridir. Milli komanda Bakıda keçiriləcək C qrupunda mübarizə aparacaq. Bu qrupda Portuqaliya, Niderland, Belçika, Rumıniya və İspaniya yığmaları ilə qarşılaşacaq. Turnir ümumilikdə avqustun 21-dən sentyabrın 6-dək davam edəcək. Oyunlara Azərbaycan (Bakı), Türkiyə (İstanbul), Çexiya (Brno) və İsveç (Göteborq) ev sahibliyi edəcək.

Bakıdakı qarşılaşmalar avqustun 21-dən 28-dək Milli Gimnastika Arenasında baş tutacaq. Azərbaycan yığması ilk oyununu Portuqaliya kollektivinə qarşı keçirəcək. Azərbaycanın qadınlardan ibarət voleybol millisi üçün C qrupundakı mübarizə cədvəli aşağıdakı kimi təsdiqlənib:

AVRO-2026-nın C qrupunun oyunlarının tam təqvimi:

21 avqust

19:00. Azərbaycan – Portuqaliya

22 avqust

15:30. Belçika – İspaniya

18:30. Rumıniya – Niderland

23 avqust

15:30. Portuqaliya – Belçika

18:30. İspaniya – Azərbaycan

24 avqust

15:30. Niderland – Portuqaliya

18:30. Azərbaycan – Rumıniya

25 avqust

15:30. Rumıniya – Belçika

18:30. Niderland – İspaniya

26 avqust

15:30. İspaniya – Portuqaliya

18:30. Belçika – Azərbaycan

27 avqust

15:30. Niderland – Belçika

18:30. Portuqaliya – Rumıniya

28 avqust

15:30. İspaniya – Rumıniya

18:30. Azərbaycan – Niderland