"Araz-Naxçıvan" UEFA Çempionlar Liqasının pley-off mərhələsinə yüksəlib

“Araz-Naxçıvan” futzal komandası UEFA Çempionlar Liqasının pley-off mərhələsinə vəsiqə qazanaraq böyük uğura imza atıb. Naxçıvan təmsilçisi 7-ci qrupdakı son oyununda Niderland çempionu “Tigers Roermond”u məğlub edib. Gərgin keçən görüş 3:2 hesabı ilə "Araz-Naxçıvan"ın xeyrinə yekunlaşıb.

Bu qələbə sayəsində komanda qrup lideri olaraq növbəti mərhələyə adlayıb. Baş məşqçi Yevgeni Kukseviçin rəhbərlik etdiyi komanda ümumilikdə 7 xal toplayıb. Onlar turnirdəki mübarizəyə uğurlu start vermişdilər. Belə ki, ilk matçda yarışın təşkilatçısı olan Rumıniyanın "Yunayted Qalati" klubuna 2:1 hesabı ilə qalib gəlmişdilər.

Qrupdakı digər görüşdə isə "Araz-Naxçıvan" Lüksemburq təmsilçisi "Differdanje 03" ilə qarşılaşıb. Həmin oyun 2:2 hesabı ilə heç-heçə başa çatıb. İki qələbə və bir heç-heçə ilə 7 xal toplayan “Araz-Naxçıvan” qrup lideri kimi pley-off mərhələsinə keçmə hüququnu əldə edib.