AFAD rəhbəri: Təbii fəlakətlər zamanı Azərbaycanla Türkiyə arasında birgə əməkdaşlıqlar var

Türkiyə və Azərbaycan təbii fəlakətlər zamanı risklərin azaldılması, həmçinin fəlakətlər nəticəsində yaranan dağıntıların aradan qaldırılması sahəsində birgə işləri davam etdirirlər. Fövqəladə Halların İdarə olunması Agentliyinin (AFAD) rəhbəri Ali Hamza Pehlevan bu əməkdaşlığın gələcəkdə də davam edəcəyini söyləyib.

Ali Hamza Pehlevan iki qardaş ölkə arasında olan münasibətlərin bu sahədə də özünü göstərdiyini bildirib. O, ötən həftə Azərbaycan Fövqəladə Hallar Nazirliyinin nümayəndə heyətinin AFAD-da səfərdə olduğunu xatırladıb. Bu cür qarşılıqlı səfərlər təcrübə mübadiləsi aparmaq üçün yaxşı imkandır.

AFAD rəhbəri qeyd edib ki, iki qurum arasında təkcə səfərlər deyil, eyni zamanda birgə təlimlər keçirilir. Hər iki ölkənin aidiyyəti qurumları təcrübə mübadiləsini aktiv şəkildə həyata keçirir. Bu əməkdaşlıq təbii fəlakətlərin idarə edilməsi işini daha səmərəli edir.