ABŞ-nin Avropa İttifaqının genişlənməsi ilə bağlı konkret mövqeyi yoxdur - Dövlət departamenti

ABŞ Dövlət Departamenti Avropa İttifaqının (Aİ) mümkün genişlənməsi ilə bağlı konkret bir mövqeyə sahib olmadığını rəsmi şəkildə bəyan edib. Amerika bu məsələni birliyin daxili işi hesab edir.

Departament “Euronews” telekanalına bildirib ki, üçüncü ölkələrin Aİ-yə üzvlüyünə dair qərarı namizəd ölkələrin və mövcud üzv dövlətlərin özləri verir. Vaşinqtonun bu açıqlaması onun Aİ-nin gələcək strukturu ilə bağlı birbaşa müdaxilədən uzaq durduğunu göstərir.

Bu rəsmi neytrallığa baxmayaraq, bəzi mütəxəssislər ABŞ-ın yanaşmasında fərqli bir məqam olduğunu qeyd edirlər. Bir neçə ekspert vurğulayır ki, ABŞ Prezidenti Donald Tramp, öz sələflərindən fərqli olaraq, Aİ-nin genişlənməsində xüsusi maraq göstərmir. Bu fikir Amerika siyasətində dəyişikliyin olduğunu göstərir.