ABŞ-ı müflislik təhlükəsindən yalnız robotlar və süni intellekt xilas edə bilər - Mask

Amerikalı milyarder İlon Mask Birləşmiş Ştatların qaçılmaz müflislik riski ilə qarşılaşdığı barədə xəbərdarlıq edib. O hesab edir ki, ölkə bu böyük təhlükədən yalnız süni intellekt və robot texnologiyalarının inkişafı sayəsində xilas ola bilər. Mask bu kəskin fikirləri amerikalı bloqer Dvarkeş Patelə aid “YouTube” podkastında ifadə edib.

Milyarder proqnozlaşdırır ki, əgər ABŞ bu texnologiyaları inkişaf etdirməsə, dövlət kimi yüzdə min ehtimalla müflis olacaq və uğursuzluğa düçar olacaq. O, ABŞ dövlət borcu problemini başqa heç bir metodun həll edə bilməyəcəyini vurğulayıb. İlon Mask qeyd edir ki, Amerika Birləşmiş Ştatlarının dövlət borcu qeyri-adi dərəcədə sürətlə artmaqdadır, bu da iqtisadi sabitlik üçün ciddi bir təhlükə yaradır.

Sahibkar hazırda ən yaxşı ssenarinin ABŞ-ın müflisliyi müəyyən müddətlik təxirə sala bilməsi olduğunu düşünür. Bu təxirəsalma ölkəyə süni intellekt və robot texnologiyalarının inkişafı üçün kifayət qədər zaman qazandıracaq. Mask əmindir ki, gələcəkdə dövlət borcu kimi böyük maliyyə problemlərini həll etməkdə əsas rol oynayan məhz bu texnologiyalar olacaq. Onun gözləntisinə görə, texnologiya inkişaf edərsə, ABŞ bu çətinlikdən çıxa biləcək, beləliklə texnologiya iqtisadiyyatdakı əsas transformator qüvvəsinə çevriləcək.