ABŞ dron istehsalında Çini keçməyi planlaşdırır

ABŞ pilotsuz uçuş aparatlarının (PUA) istehsalı sahəsində Çini keçməyi planlaşdırır. Bu strateji mövqeyi ABŞ ordusunun naziri Daniel Driskoll CBS telekanalında açıqlayıb.

Aparıcı Driskolldan ABŞ rəhbərliyinin yaxın iki-üç il ərzində Pentaqon üçün bir milyon pilotsuz təyyarə almaq planlarını və bu sahədə Çinlə olan rəqabəti şərh etməsini istədi. Driskoll, ölkənin son onilliklərdə yanlış yanaşma göstərdiyini, silah istehsalını özəl şirkətlərə və ya hərbi-sənaye kompleksi müəssisələrinə həval etdiyini bildirib. O qeyd edib ki, bu yanlışlıq indi ABŞ-ın istehsal gücünə mənfi təsir göstərir.

Nazir PUA-lara fərqli yanaşacaqlarını vurğuladı və rəqabət göstəricilərini açıqladı. "Ukraynaya baxsanız, onlar ildə 4 milyon dron istehsal edir, Çin isə, məncə, ildə 12-14 milyon pilotsuz təyyarə istehsal edir," o söylədi. Buna görə də, ABŞ bir ölkə olaraq özəl sektordan dəstək almalıdır. Driskollun sözlərinə görə, ABŞ Ordusu pilotsuz təyyarələrin komponentlərini yerində istehsal etmək niyyətindədir. Özəl sektor şirkətləri isə sonradan bu komponentləri alacaqlar.

Yeni model həm orduya, həm də özəl tərəfdaşlara PUA istehsal etməyə imkan verəcək. Nazir bu sistemin tətbiqi ilə ABŞ-ın pilotsuz təyyarə istehsal sürətinin inanılmaz dərəcədə artacağına əmindir. O əlavə etdi ki, ABŞ bu yolla Çinə çatacaq və onu keçəcək. Bu, ABŞ-ın hərbi texnologiyalar sahəsindəki mövqeyini bərpa etmək üçün vacib bir strategiyadır.