ABŞ-də 24 yaşlı gənc altı nəfəri öldürüb

Cümə günü ABŞ-nin Missisipi ştatında dəhşətli güllələnmə hadisəsi baş verib. Bir kişi altı mülki şəxsi güllələyərək öldürüb.

Hadisə barədə məlumatı hüquq-mühafizə orqanlarına istinadən "The New York Post" (NYP) yayıb. Polis əməkdaşları 24 yaşlı şübhəli **Darika Mur** adlı şəxsin Vest-Poynt şəhəri yaxınlığındakı üç fərqli məhəllədə atəş açdığını qeydə alıblar. Mur hadisə yerindən qaçmazdan əvvəl öz ailə üzvlərini; atasını, qardaşını və əmisini öldürüb. Qeydlərə görə, şübhəli şəxs həmçinin yeddi yaşlı qızını güllələyib. Bundan sonra Mur başqa bir məkana gedib və orada daha iki kişini güllələyərək öldürüb.

Polis qısa müddət ərzində Muru saxlayıb. O, indi törətdiyi bu ağır cinayətə görə **edam cəzası** ilə üz-üzədir. Hüquq-mühafizə orqanlarının əməkdaşları bu insidentin son on ildə ştatın tarixində baş vermiş ən böyük hadisələrdən biri olduğunu qeyd ediblər.