ABŞ Çinə təyyarə hissələrinin tədarükünü dayandıra bilər

Vaşinqton və Pekin arasında davam edən ticarət münaqişəsi fonunda ABŞ Çinə təyyarə ehtiyat hissələrinin tədarükünü dayandırmaq barədə düşünür. ABŞ Prezidenti Donald Tramp bu barədə Ağ Evdə jurnalistlərə açıqlama verib. O, ölkəsinin əlində tariflərdən daha güclü alətlərin olduğunu işarə edib.

Tramp qeyd edib ki, Çin tərəfi bizi nadir yeraltı elementlərlə hədələdi, mən də onlara tariflərlə cavab verdim. Lakin o, daha çox şeylə, məsələn, təyyarələrlə təhdid edə biləcəyini vurğulayıb. Prezidentin sözlərinə görə, Çin öz təyyarələri üçün ehtiyat hissələr tapmaqda çətinlik çəkir. O bildirib: "Biz onların təyyarələrini qururuq. Biz əla iş görürük. Əsasən "Boeing" təyyarələri tədarük edirik və ümumiyyətlə, biz ehtiyat hissələrin tədarükünü dayandıra bilərik."

Amerika lideri tərəflərin ticarət mübahisəsini həll edə bilməməsi halında Çinə qarşı tətbiq ediləcək maliyyə təzyiqlərindən də danışıb. Tramp əlavə edib ki, əgər razılaşma olmasa, Çin bu il noyabrın 1-dən etibarən idxal rüsumlarını 155 % səviyyəsində ödəməli olacaq. Bu, ticarət gərginliyinin yüksək qiymətə başa gələcəyini göstərir.