ABŞ Braziliya məhsullarına 40 faizlik rusumu qüvvədə saxlayıb

Ağ Ev Braziliyadan gələn məhsullara tətbiq edilən 40 faizlik xüsusi tarifi dəyişməyib. Rəsmi Vaşinqton əvvəllər 50 faiz təşkil edən ümumi rüsumun yalnız 10 faizindən imtina edib. Buna baxmayaraq, 40 faizlik xüsusi tarif hələ də qüvvədə qalır.

Adları açıqlanmayan Ağ Ev mənbələrinin verdiyi məlumata görə, bu 40 faizlik ticarət məhdudiyyəti hələ də Braziliya mallarına şamil edilir. ABŞ prezidenti Donald Tramp əvvəllər bəzi ərzaq məhsulları üzərindəki tarifləri ləğv etmişdi. Rüsumlardan azad edilən bu məhsulların arasında mal əti, qəhvə və meyvə kimi kənd təsərrüfatı malları var.

Cümə günü səhər prezident Tramp bəzi kənd təsərrüfatı məhsullarını rüsumlardan tamamilə azad edən bir sərəncam da imzalayıb. Lakin sərəncam 40 faizlik tətbiq olunan xüsusi tarifə təsir etməyib. Qeyd edək ki, 10 faizlik tarifdən imtina edilməsi haqqında icraçı sərəncam verilməzdən əvvəl, Braziliya mallarına ümumilikdə 50 faiz rüsum tətbiq olunurdu. Beləliklə, Ağ Ev sənədləşmə əsasında yalnız 10 faizlik endirim etmiş oldu.