ABB sahibkarlığın maliyyələşdirilməsi sahəsində Mərkəzi Asiyanın ən yaxşı banklarındandır!

Vyanada "SME Banking Agency" təşkilatının təşəbbüsü ilə Kiçik və Orta Sahibkarlıq üzrə Qlobal Bankçılıq Forumu (Global SME Banking Forum) baş tutub. ABB bu forumda ölkəmizi təmsil edirdi. Tədbir iştirakçılarına bankın son illərdə Azərbaycanda kiçik və orta sahibkarlığın maliyyələşdirilməsi sahəsində həyata keçirdiyi layihələr barədə ətraflı məlumat verildi. Forumun əsas hissəsində regionlar üzrə maliyyə qurumlarının qiymətləndirilməsi aparıldı. Bu proses çərçivəsində ABB ciddi nailiyyətlər əldə etdi.

ABB təqdim etdiyi rəqəmsal maliyyələşmə məhsulları sayəsində xüsusilə diqqət çəkdi. Bu məhsullara tam rəqəmsal xidmətlər olan "Ani kredit", "Ticarət zəncirinin maliyyələşdirilməsi" və "Təcili qarantiya" daxil idi. Qiymətləndirmə Forumun "TOP20 SME Banks Award Ceremony" hissəsində baş tutdu. Nəticələrə görə, ABB kiçik və orta sahibkarlığın dəstəklənməsi sahəsində Mərkəzi Asiyanın 20 ən yaxşı bankından biri seçildi. Bank həmçinin ölkə daxilində ən yaxşı rəqəmsal maliyyə alətləri təklif edən qurum kimi tanındı.

Qlobal Bankçılıq Forumunda ABB-yə dörd müxtəlif nominasiya üzrə mükafatlar təqdim edildi. Bu mükafatlar bankın KOS seqmenti müştərilərinə göstərdiyi xidmətlərin yüksək keyfiyyətini təsdiqləyir. ABB "Biznes bankçılıq" (ən yaxşı ənənəvi maliyyə xidmətləri), "Rəqəmsal bankçılıq" (ən yaxşı rəqəmsal maliyyə xidmətləri), "Rəqəmsal biznes maliyyələşdirməsi" (ən yaxşı rəqəmsal kreditlər təklif edən bank) və "Beyond bankinq" nominasiyaları üzrə qalib oldu. Bu dörd mükafat ABB-nin sahibkarlıq sektoruna verdiyi dəstəyin miqyasını və keyfiyyətini göstərir.