A Seriyasında ayın "ən yaxşı"ları bəlli oldu

07.11.2025 19:55 4 baxış sayı 1 dəq. oxuma Trend

İtaliya A Seriyasında oktyabr ayının ən yaxşıları müəyyənləşdi. "Roma"nın baş məşqçisi Can Pyero Qasperini ayın ən yaxşı məşqçisi mükafatına layiq görüldü.

67 yaşlı mütəxəssisin rəhbərliyi altında paytaxt klubu oktyabrda liqada dörd oyun keçirdi. Onlar bu qarşılaşmaların üçündə qələbə qazandılar, yalnız "İnter"ə 0:1 hesabı ilə uduzdular. Bu nəticə Qasperininin yüksək qiymətləndirilməsinə səbəb oldu.

Ayın ən yaxşı futbolçusu adı isə "Napoli"nin yarımmüdafiəçisi Andre-Frank Zambo-Angissa oldu. Kamerunlu oyunçu oktyabr ayında A Seriyasında çox yaxşı çıxış etdi. O, keçirdiyi dörd oyunda komandası üçün üç qol vurmağı bacardı.

Zambo-Angissa bu fərqlənməyə nail olmaq üçün bir neçə güclü rəqibi geridə qoydu. O, "Kremoneze"dən Federiko Bonatçoli, "İnter"dən Hakan Çalhanoğlu, "Bolonya"dan Nikolo Kambyaqi, "Kalyari"dən Elia Kaprile və "Milan"dan Rafael Leau kimi ulduzları üstələdi.

Emil Bayramov

Döyüş idmanları müxbiri

Güləş, boks və döyüş idman növləri üzrə mütəxəssisəm. Özüm də 6 il güləşlə məşğul olmuşam, bu mənə çox kömək edir.

Bütün məqalələrə baxın